Լաս Վեգասում կայացել է «UFC Վեգաս 57» մրցաշարի պաշտոնական կշռման արարողությունը: Մրցաշարի գլխավոր իրադարձությունը Ռուսաստանը ներկայացնող հայ մարտիկ Արման Ծառուկյանի և լեհ Մատեուշ Գամրոտի մենամարտն է:
Մարտիկները կշռել են ճիշտ նույն քաշը՝ 70,76 կգ:
Այնուհետև կայացել է Արման Ծառուկյանի և Մատեուշ Գամրոտի հայացքների մենամարտը:
Արման Ծառուկյանը տարել է 18 հաղթանակ, կրել 2 պարտություն: Գամրոտը 20 հաղթանակ է գրանցել, 1 պարտություն, իսկ մենամարտերից մեկն էլ անվավեր է ճանաչվել:
Ծառուկյանը UFC-ում ելույթ է ունենում 2019 թվականից: Միակ խառնամարտիկը, որին UFC-ում հաջողվել է պարտության մատնել Արմանին, ռուս Իսլամ Մախաչևն է: Դրանից հետո Ծառուկյանը 5 անընդմեջ հաղթանակ է տարել: Ինչ վերաբերում է Գամրոտին, ապա լեհը 2021 թվականին անցկացրած 3 մենամարտն էլ հաղթել է:
Արման Ծառուկյան - Մատեուշ Գամրոտ մենամարտը կկայանա հունիսի 26-ի վաղ առավոտյան:
