Հունվարի 18-ի դրությամբ Հայաստանի 6 մարզիկ է ձևակերպել մասնակցությունը Պեկինում անցկացվելիք ձմեռային 24-րդ Օլիմպիական խաղերին՝ հայտնում է ՀԱՕԿ-ի պաշտոնական կայքը։
Նշվում է, որ Դահուկային սպորտի միջազգային ֆեդերացիան մեր երկրի ազգային օլիմպիական կոմիտեին տեղեկացրել է քառամյակի գլխավոր մարզահանդեսին հայ 3 դահուկորդի ու 1 լեռնադահուկորդի մասնակցությունն արտոնելու մասին։
Համապատասխան վարկանիշային միավորներ նվաճելու շնորհիվ օլիմպիական ուղեգիր են նվաճել դահուկորդներ Միքայել Միքայելյանը, Կատյա Գալստյանը և Անգելինա Մուրադյանը ու լեռնադահուկորդ Հարություն Հարությունյանը։
Դեռ անցյալ տարվա սեպտեմբերին Օլիմպիական խաղերին ներկայանալու պատվին էր արժանացել գեղասահքի Թինա Կարապետյան -Սիմոն Սենեկալ պարային զույգը։