Սենթ Լուիսում ընթացող շախմատի Ամերիկայի գավաթի խաղարկությունը մոտենում է վերջնագծին: Հայտնի են մրցանակը վիճարկող շախմատիստները:
Լևոն Արոնյանը ռևանշի հասավ Լերնիեր Դոմինգեսի նկատմամբ կիսաեզրափակչում կրած պարտության դիմաց՝ հաղթելով 2,5-1,5 հաշվով: Վճռորոշ էր լրացուցիչ մրցախաղի առաջին պարտիան, որում Լևոնը հաղթեց: Մնացած 3 պարտիաներում մրցակիցները հաշտություն կնքեցին:
Այսպիսով, Արոնյանը Ֆաբիանո Կարուանայի հետ կվիճարկի Ամերիկայի գավաթը: Հիշեցնենք, որ Կարուանան էլ հաղթել էր Դոմինգեսին:
Կանանց մրցաշարում պատվավոր մրցանակը կվիճարկեն Իրինա Կրուշն ու Ալիս Լին: Վերջինս 3-2 հաշվով պարտության մատնեց Տաթև Աբրահամյանին: