Սենթ Լուիսում ընթացող շախմատի Ամերիկայի գավաթի խաղարկության եզրափակչի առաջին պարտիայում Լևոն Արոնյանը սպիտակներով 52-րդ քայլին հաշտություն կնքեց Ֆաբիանո Կարուանայի հետ:
Այսօր կկայանա երկրորդ պարտիան: Եթե այն նույնպես ոչ-ոքի ավարտվի, ապա հաղթողը կորոշվի արագ շախմատի մրցախաղում:
Կանանց մրցաշարում Իրինա Կրուշն առաջին պարտիայում սպիտակներով 39-րդ քայլին հաղթեց Ալիս Լիին: Հիշեցնենք, որ վերջինս եզրափակչի ուղեգրի համար պայքարում 3-2 հաշվով պարտության էր մատնել Տաթև Աբրահամյանին: