Բուխարեստում ընթացող շախմատի Grand Chess Tour մրցաշարի 7-րդ տուրում Լևոն Արոնյանն սպիտակներով 26-րդ քայլին հաշտություն կնքեց Ֆաբիանո Կարուանայի հետ: Արոնյանը 4,5 միավորով Ուեսլի Սոյի հետ պահպանեց առաջատարի դիրքը: Սոն ևս հաշտություն կնքեց: Նրա մրցակիցը Բոգդան-Դանիել Դյակն էր:
4 միավորով առաջատարներին հետապնդում է Մաքսիմ Վաշիե-Լագրավը, որը հաղթեց Ռիխարդ Ռապորտին:
Առաջին հաղթանակները տոնեցին Շահրիյար Մամեդյարովն ու Ալիռեզա Ֆիրուջան՝ առավելության հասնելով համապատասխանաբար Յան Նեպոմնյաշչնու և Լենիեր Դոմինգեսի նկատմամբ:
Վաղը կայանալիք նախավերջին՝ 8-րդ տուրում Լևոն Արոնյանը սևերով կմրցի Յան Նեպոմնյաշչնու հետ: