Ռուսաստանի հավաքականի ու Մոսկվայի «Դինամոյի» 18-ամյա կիսապաշտպան Արսեն Զախարյանը կարող է մարզական կարիերան շարունակել Իսպանիայում:
Նոբել Առուստամյանի տեղեկություններով՝ հայազգի խաղացողի ծառայություններով հետաքրքրված է «Բարսելոնան»:
«Բարսելոնան» լրջորեն հետաքրքրված է Զախարյանի ծառայություններով: Ակումբի սկաուտները մի քանի անգամ հետևել են Զախարյանի խաղին: «Բարսան» գոհ է Զախարյանի խաղից ու պատրաստ է բանակցել ինչպես «Դինամոյի», այնպես էլ ֆուտբոլիստի հետ: Բանակցությունները պետք է կայանան առաջիկա շաբաթների ընթացքում:
Ըստ երևույթին՝ «Բարսելոնան» ցանկանում է աշնանը համաձայնության գալ Զախարյանի հետագա տրանսֆերի վերաբերյալ, որը կարող է կայանալ 2022-ի ամռանը՝ պայմանավորված բանակցությունների ընթացքով: Զախարյանը ցանկանում է առնվազն այս մրցաշրջանն ամբողջությամբ անցկացնել «Դինամոյում»,- գրել է Առուստամյանը:
Զախարյանի ծառայություններով հետաքրքրվել են նաև «Բրյուգեն», «Լայպցիգն» ու «Սասուոլոն»:
Մխիթարյանը կոչ է արել հարգել Զախարյանի՝ Ռուսաստանի հավաքականի կազմում ելույթ ունենալու որոշումը
