«Արսենալը» կրկին սկսել է հետաքրքրվել «Ռեալի» հարձակվող Լուկա Յովիչի ծառայություններով:
Ինչպես հաղորդում է Blick Sport-ը, 24-ամյա ֆուտբոլիստին իր թիմում ցանկանում է տեսնել անձամբ Միկել Արտետան: Իսպանացի մասնագետը կարծում է, որ Լոնդոնում Յովիչը կարող է «գոլային մեքենա» դառնալ:
Ավելի վաղ տեղեկություն կար, որ «սերուցքայինները» պատրաստ են հրաժարվել սերբ հարձակվողից, եթե 30-միլիոնանոց առաջարկ ստանան:
Ընթացիկ մրցաշրջանում «Արքայական ակումբի» կազմում Յովիչն անցկացրել է 17 հանդիպում՝ դառնալով 1 գոլի և 2 ասիստի հեղինակ:
