«Արսենալի» գլխավոր մարզիչ Ունայ Էմերին Պրեմիեր լիգայի 3-րդ տուրում «Լիվերպուլից» կրած պարտությունից հետո (1-3) խոսել է թիմի պաշտպան Նաչո Մոնրեալի՝ «զինագործների» ճամբարից հեռանալու հավանականության մասին:
«Նա մեծ հանդիպում անցկացրեց, Նաչոն իսկական պրոֆեսիոնալ է:
Պետք է խոսենք առաջիկա օրերի ընթացքում: Եվրոպայում տրանսֆերային պատուհանը դեռ բաց է: Մենք կքննարկենք հնարավոր բոլոր տարբերակները»,- Էմերիի խոսքերը մեջբերում է Goal.com-ը:
Marca պարբերականն ավելի վաղ հաղորդել էր, որ Մոնրեալը, ամենայն հավանականությամբ, կվերադառնա Իսպանիա: 33-ամյա իսպանացին մոտ է «Ռեալ Սոսյեդադի» հետ երկամյա պայմանագիր կնքելուն: Համաձայնագիրը կունենա այն ևս 1 տարով երկարաձգելու հնարավորություն, եթե խաղացողը բասկյան ակումբում մասնակցի համապատասխան քանակի հանդիպումների:
Պաշտպանը Պրիմերայում ավելի վաղ պաշտպանել է «Մալագայի» և «Օսասունայի» մարզական պատիվը:
Էմերին ասել է իր 2 ֆուտբոլիստին նոր ակումբ փնտրել