«Արսենալի» տեխնիկական տնօրեն Էդու Գասպարը խոսել է ամառային տրանսֆերային պատուհանի ժամանակ լոնդոնյան ակումբի ծրագրերի մասին։
«Մենք ցանկանում ենք կենտրոնանալ մեկ-երկու ֆուտբոլիստի թիմ հրավիրելու ուղղությամբ։ Անցյալ տարվա ամառային փոփոխություններից հետո պետք է հաջորդ քայլը կատարել»,- Էդու Գասպարի խոսքն է մեջբերում լրագրող Ֆաբրիցիո Ռոմանոն։
Ավելի վաղ հաղորդվում էր, որ «Արսենալը» հետաքրքրված է «Մանչեսթեր Սիթիի» բրազիլացի հարձակվող Գաբրիել Ժեզուշի ծառայություններով։
Լոնդոնցիներն ԱՊԼ-ի 33 տուրերից հետո վաստակել են 60 միավոր և զբաղեցնում են մրցաշարային աղյուսակի 4-րդ հորիզոնականը։