No More Red ակցիայի շրջանակում Լոնդոնի «Արսենալը» հունվարի 9-ին Անգլիայի գավաթի 1/32 եզրափակիչի շրջանակում «Նոթինգեմ Ֆորեստի» դեմ հանդիպմանը խաղադաշտ դուրս կգա ամբողջությամբ սպիտակ մարզաշապիկներով՝ հաղորդում է ակումբի մամուլի ծառայությունը:
No More Red-ը լոնդոնյան ակումբի և Adidas ընկերության ակցիան է՝ ընդդեմ դանակով հանցագործությունների ու երիտասարդների հանդեպ բռնության:
Ակումբի պաշտոնական կայքը նշում է, որ 2020 թվականի հունիսից մինչև 2021 թվականի հունիսը Լոնդոնում ավելի քան 10 հազար հանցագործություն է կատարվել դանակով:
Sportbible-ի հաղորդմամբ՝ 2021 թվականին Լոնդոնում 30 դեռահաս է սպանվել դանակի հարվածից:
«Ակցիայի շրջանակում մենք աննախադեպ քայլ ենք կատարել՝ փոխարինելով ավանդական կարմիր մարզաշապիկն ամբողջությամբ սպիտակով, որով հանդես կգանք «Նոթինգեմ Ֆորեստի» դեմ խաղում: Այս մարզաշապիկը երբեք կոմերցիոն նպատակով չի օգտագործվի ու կշնորհվի միայն նրանց, որոնք համայնքում դրական փոփոխություններ են արել»,- ասված է հաղորդագրության մեջ: