«Արսենալը» դեռևս հետաքրքրված է «Ռեալի» նորվեգացի կիսապաշտպան Մարտին Էդեգորի ծառայություններով, հաղորդում է Ֆաբրիցիո Ռոմանոն։
Աղբյուրի փոխանցմամբ՝ Էդեգորը միշտ էլ տրանսֆերային թոփ թիրախ է եղել լոնդոնյան ակումբի համար։ Եթե նա որոշի հեռանալ «Ռեալից», կամ «Ռեալը» որոշի վաճառել նրա տրանսֆերը, «զինագործները» պատրաստ կլինեն պայմանագիր առաջարկել նրան։
«Արսենալը» պատրաստ կլինի մշտական պայմանագիր առաջարկել Էդեգորին, բայց դա կախված է լինելու «Ռեալից»։
Էդեգորն անցած մրցաշրջանի կեսն անցկացրել է «Արսենալում» վարձակալական հիմունքներով։