«Մանչեսթեր Սիթիի» հարձակվող Գաբրիել Ժեզուշն առաջիկայում կդառնա «Արսենալի» ֆուտբոլիստ։

Ինսայդեր Ֆաբրիցիո Ռոմանոյի հաղորդմամբ՝ կողմերն արդեն ստորագրել են համապատասխան փաստաթղթերը։ «Զինագործները» 45 մլն ֆունտ կվճարեն հարձակվողի տրանսֆերի համար և նրա հետ կկնքեն 5 տարվա պայմանագիր։

2021/22 մրցաշրջանում բրազիլացին «Մանչեսթեր Սիթիի» կազմում մասնակցել է 41 հանդիպման, խփել է 13 գոլ, կատարել 12 գոլային փոխանցում։