տուր
01 Հունվար 1970 - 12:58
- «Արսենալի» գլխավոր մարզիչ Միկել Արտետան կարծիք է հայտնել, որը թիմը ֆուտբոլիստների պակաս ունի փլեյմեյքերի դիրքում:
Իսպանացի մասնագետն այդ թեմայով խոսել է այն համատեքստում, որ «զինագործները» Պրեմիեր լիգայի ընթացիկ առաջնությունում հաճախ են միավորներ կորցրել կարգով ավելի թույլ թիմերի դեմ մրցավեճերում, երբ վերջիններս պաշտպանվել են համարյա ամբողջ կազմով:
«Տեսեք, թե անցյալում ինչ ֆուտբոլիստներ ենք ունեցել ակումբում այդ դիրքում:
Կարող եք հիշել Կասորլային, Ռոսիցկիին, Արշավինին, երբ նա այդ դիրքում էր հանդես գալիս, Ռեմսին, Մխիթարյանին: Նույնիսկ Ուիլշերն էր համարյա միշտ խաղում այդ հատվածում:
Շատ խաղացողներ կան, որոնք հիմա այլևս այստեղ չեն: Մենք պետք է ընդլայնենք այդ շրջանակը, քանի որ եթե նման կերպ չվարվենք, այդպիսի խաղացող հետագայում պարզապես չենք ունենա: Նրանք յուրաքանչյուր թիմի համար մեծ կարևորություն ունեն:
Ինչ վերաբերում է Օզիլին, ապա ես գիտեմ, թե նա ինչ կարող է տալ թիմին: Պետք է պարզապես նայել նրա վիճակագրությանը և տեսնել, թե Մեսութն ինչ է կարողանում անել խաղային այն բարդ հատվածներում, երբ ընդհանրապես չկա տարածություն: Նրա մասին այդքանն ասելն էլ բավական է:
Դանի Սեբալյոսը ֆուտբոլիստ է, որը միանշանակ ունի կարողություն խաղալու ավելի բարձր դիրքում: Բայց հաշվի առնելով, թե հիմա ինչի կարիք ունենք, և թե նա ինչպես է խաղային գծերը միացնում իրար՝ մեզ ավելի կայուն դարձնելով գնդակ վերահսկելիս, մենք նրան պետք է օգտագործենք համեմատաբար խորքից»,- Արտետայի խոսքերը մեջբերում է Sky Sports-ը:
Հիշեցնենք, որ Հայաստանի հավաքականի ավագ Հենրիխ Մխիթարյանն ընթացիկ մրցաշրջանը վարձավճարով անցկացնում է «Ռոմայում»: Արդեն հայտնի է, որ հարձակողական ոճի կիսապաշտպանը հաջորդ մրցաշրջանում նույնպես հանդես է գալու իտալական թիմում:
«Արսենալը» Մխիթարյանի 7 համարը հանձնել է այլ ֆուտբոլիստի
