Հարձակվողական ոճի կիսապաշտպան Արթուր Գալոյանը կարիերան շարունակելու է «Վելեսում»: 22-ամյա ֆուտբոլիստը 2 տարվա պայմանագիր է կնքել մոսկվացիների հետ՝ տեղեկացնում է ակումբի մամուլի ծառայությունը:
Կիսապաշտպանը խաղալու է 20 համարի մարզաշապիկով:
Հայ ֆուտբոլիստը նախորդ մրցաշրջանն անցկացրել է «Վելեսի» կազմում՝ 41 խաղում խփելով 7 գոլ և կատարել10 գոլային փոխանցում:
Հունիսին Գալոյանը փորձաշրջան էր անցնում Մոսկվայի ԲԿՄԱ-ի կազմում: Ընկերական երկու խաղում նա 2 գոլային փոխանցում է կատարել, սակայն պայմանագրի հարցում համաձայնության չի հասել մոսկվացիների հետ:
Ավելի վաղ հայտնի էր դարձել, որ Արթուրն առաջարկ է ստացել Ռուսաստանի երիտասարդական հավաքականից, սակայն ցանկություն է հայտնել խաղալ Հայաստանի հավաքականի կազմում: