Ռուսաստանի Եկատերինբուրգ քաղաքում ընթացող բռնցքամարտի աշխարհի առաջնությունում հայ մարզիկները շարունակում են հաջող ելույթները:
Մինչև 52 կգ քաշայինների պայքարում Հայաստանը ներկայացնող Արթուր Հովհաննիսյանը 1/8 եզրափակիչում 5:0 հաշվով առավելության հասավ ադրբեջանցի Մասուդ Յուսիֆզադայի նկատմամբ ու դուրս եկավ քառորդ եզրափակիչ:
Քառորդ եզրափակիչի ուղեգրի համար նաև կպայքարեն 63 կգ քաշային Հովհաննես Բաչկովն, 91 կգ քաշային Հենրիկ Սարգսյանն ու գերծանր քաշային Գուրգեն Հովհաննիսյանը:
75 քաշային Արման Դարչինյանը նախօրեին էր նվաճել 1/4 եզրափակիչի ուղեգիր:
