Երևանում ավարտին է մոտենում բռնցքամարտի Եվրոպայի առաջնությունը։
60 կգ քաշային կարգում Վրաստանը ներկայացնող Արտյուշ Գոմցյանը Եվրոպայի չեմպիոնի տիտղոսը վիճարկեց իսպանացի Խոսե Կիլես Բրոտոնսի հետ: Ջավախքցի բռնցքամարտիկը, հաղթելով 3-2 հաշվով, հռչակվեց Եվրոպայի չեմպիոն:
Քիչ անց աշխարհամասի չեմպիոնի կոչման համար պայքարի դուրս կգան Օլիմպիական խաղերի և աշխարհի առաջնության եռակի բրոնզե մեդալակիր, Եվրոպայի առաջնության և Եվրոպական խաղերի հաղթող գյումրեցի Հովհաննես Բաչկովը (63,5 կգ) և 86 կգ քաշային Ռաֆայել Հովհաննիսյանը:
57 կգ քաշային կարգում էլ Հայաստանի ներկայացուցիչ Արթուր Բազեյանը 2-3 հաշվով պարտվել էր՝ բավարարվելով արծաթե մեդալով:
Եզրափակիչ մենամարտերը կարող եք դիտել «Վիվառո Սպորտ» հեռուստաալիքով: