Art Quiz
Google Play ներբեռնել
App Store ներբեռնել
Եվ Android և iOS համակարգում այս անվանումով կա երկու հավելված, որոնց հեղինակները տարբեր են: Սակայն հավելվածներրի գլխավոր տարբերությունը միայն ինտերֆեյսն է: Երկու հավելվածներն են առաջարկում են հետաքրքիր թեստեր արվեստի պատմության մասին: Հարկավոր է միայն ընտրել՝ ցանկանում եք թեստն անցնել առանց ժամանակի սահմանափակմա՞ն, թե՞ հակառակը, և սկսել պատասխանել հարցերին: Հավելվածի ինտերակտիվ ձևաչափն օգնում է սովորել սեփական սխալներից և յուրացնել հավելյալ տեղեկատվություն տվյալ ոլորտի մասին: Հավելվածն անվճար է:
MoMA Audio
App Store ներբեռնել
Այս հավելվածը թողարկվել է Նյու Յորքի ժամանակակից արվեստի թանգարանի կողմից: Հավելվածը աուդիո տարբերակով ծանոթացնում է ժամանակակից արվեստի յուրօրինակ նմուշներին, կուրատորներին, արվեստագետներին և պատմում հատուկ ցուցահանդեսների մասին: Հավելվածը հեշտորեն կարող են օգտագործել երեխաները ու լսել, դիտել ու սովորել, այն աշխատում է 10 լեզուներով՝ անգլերեն, ֆրանսերեն, գերմաներեն, իտալերեն, ֆրանսերեն, պարզեցված և ավանդական չինարեն, կորեերեն, ճապոներեն, պորտուգալերեն: Հավելվածը հասանելի է միայն App Store-ում և անվճար է:
Love Art
App Store ներբեռնել
Լոնդոնի ազգային պատկերասրահը, որտեղ պահվում են արևմտյան Եվրոպայի գեղանկարչության ամենամեծ հավաքածուները, այժմ հասանելի են նաև վիրտուալ տիրույթում: Հավելվածում կա 250-ից ավել աշխատանքներ, որոնք ներկայացված են տեսանյութերի, որակյալ լուսանկարների և աուդիոների տեսքով: Այստեղ նույնպես կարող եք վիրտուալ այցելություններ կատարել, սակայն էքսկուրսն ամբողջապես կյուրացնեք, եթե իհարկե տիրապետում եք անգլերեն լեզվին: Հավելվածը միայն iOs օգտատերերի համար է և կրկին անվճար: