Ինչպես արդեն տեղեկացրել ենք, Մադրիդի «Ռեալի» գլխավոր մարզիչ Զինեդին Զիդանը հետաքրքրված է «Լեյպցիգի» կենտրոնական պաշտպան Դայո Ուպամեկանոյի ծառայություններով:
21-ամյա ֆրանսիացին չի պատրաստվում երկարաձգել գերմանական ակումբի հետ պայմանագրի ժամկետը և մտադիր է հեռանալ թիմից այս մրցաշրջանի ավարտից հետո:
Ինչպես հաղորդում է AS-ը, «Արքայական ակումբն» Ուպամեկանոյի հետ պայմանագիր կնքելու լավ շանսեր ունի, քանի որ նրա գործերով զբաղվում են նույն գործակալները, ինչ մադրիդյան թիմի կիսապաշտպան Տոնի Կրոսի դեպքում է:
Բացի այդ, Ուպամեկանոյի աշխատավարձը «Ռեալի» չափանիշներով այդքան էլ բարձր չէ՝ տարեկան 2 մլն եվրոյից փոքր-ինչ ավելի:
Պաշտպանի պայմանագիրը «Լեյպցիգի» հետ ուժի մեջ է մինչև 2021 թվականի հունիս:
Ավելի վաղ տարածվել էին տեղեկություններ, որ Ուպամեկանոյին իրենց շարքերում են ցանկանում տեսնել նաև «Մանչեսթեր Սիթին», «Լիվերպուլը», «Բարսելոնան» ու «Միլանը»:
Բենզեման «Ռեալին» խորհուրդ է տվել գնել երիտասարդ ֆուտբոլիստին
