Միլանի «Ինտերի» նախկին գլխավոր մարզիչ Անտոնիո Կոնտեն ճանաչվել է Ա Սերիայի` 2020/21 մրցաշրջանի լավագույն մարզիչ՝ հայտնում է Իտալիայի ֆուտբոլի ֆեդերացիայի պաշտոնական կայքը։
Կոնտեն ստացել է «Ոսկե նստարան» մրցանակը։ Նա քվեարկության արդյունքում 20 ձայնով գրավել է առաջին տեղը։
52-ամյա մասնագետն այս մրցանակը նվաճել է ռեկորդային՝ 6-րդ անգամ։ 19 ձայն ստացել է «Միլանի» գլխավոր մարզիչ Ստեֆանո Պիոլին։
3-րդ տեղն է գրավել «Ատալանտայի» գլխավոր մարզիչ Ջան Պիերո Գասպերինին՝ 8 ձայնով:
Անցյալ մրցաշրջանում «Ինտերը» Կոնտեի գլխավորությամբ դարձել է Իտալիայի չեմպիոն։
Այս մրցաշրջանում Կոնտեն մարզում է անգլիական «Տոտենհեմը»։