«Չելսիի» պաշտպան Սեսար Ասպիլիկուետան, ամենայն հավանականությամբ, բաց կթողնի Չեմպիոնների լիգայի քառորդ եզրափակիչի՝ «Ռեալի» դեմ պատասխան հանդիպումը:
Ինչպես հաղորդում է «ազնվականների» մամուլի ծառայությունը, իսպանացու կորոնավիրուսի թեսթը դրական է եղել, ինչի պատճառով էլ չի մասնակցել ԱՊԼ-ի 32-րդ տուրի՝ «Սաութհեմփթոնի» դեմ խաղին: Առանց նրա լոնդոնյան ակումբը մրցակցին ջախջախել է 6:0 հաշվով:
Հիշեցնենք, որ «Ռեալ» - «Չելսի» հանդիպումը կայանալու է ապրիլի 12-ին՝ ժամը 23:00-ին:
Թիմերի միջև կայացած առաջին խաղն ավարտվել էր «սերուցքայինների»՝ 3:1 հաշվով հաղթանակով: