Ղազախական ֆուտբոլի վետերան Ալի Սույումագոմեդովը կարծիք է հայտնել Հայաստանի հավաքականի եզրային հարձակվող Տիգրան Բարսեղյանի մասին, որը հնարավոր է տեղափոխվի սլովակիական «Սլովան»:
«Տիգրանն «Աստանայի» առաջատարն է, ամբողջ մրցաշրջանի ընթացքում նա իր ուսերին առաջ էր տանում թիմին: Իհարկե, նրա հեռանալը մեծ կորուստ կլինի:
«Աստանայի» ամբողջ խաղը կառուցվում է երկու ինսայդների շուրջ, որոնք երկուսով խփել են թիմի գոլերի կեսից ավելին: Թիմի խաղը կառուցող ֆուտբոլիստներից մեկը Բարսեղյանն է, այդ պատճառով նրան բաց թողնելը հսկայական կորուստ կլինի: Այդպիսի խաղամակարդակի այլ ինսայդ չկա «Աստանայում»,- Sports.kz-ի հետ զրույցում ասել է վետերանը:
