տուր
01 Հունվար 1970 - 13:48
- Կրիշտիանու Ռոնալդուն այլևս այստեղ չէ, իսկ Լիոնել Մեսին չի կարողանում պարբերաբար ելույթ ունենալ անընդմեջ վնասվածքների պատճառով, իսկ Լա լիգան շարունակում է սպասել՝ երբ կփայլեն իր նոր աստղերը՝ գրում է Marca-ն:
Անտուան Գրիզմանը, Էդեն Ազարն ու Ժաու Ֆելիշն այն ֆուտբոլիստներն են, որոնցից բոլորը փայլ են սպասում, սակայն մրցաշրջանի մեկնարկային երկու ամիսներին Իսպանիայի առաջնության երկինքը դեռևս խավարի մեջ է:
Հարմարվելու փուլը, երիտասարդությունն ու ֆիզիկական ոչ այնքան լավ պատրաստվածությունն այս ամենի պատճառն են, ու պատահական չէ, որ մրցաշարի ընթացիկ տուրում երեք ֆուտբոլիստներն էլ փոխարինվեցին:
Թվերով՝
Անտուան Գրիզման՝ 8 պաշտոնական խաղ | 705 րոպե | 3 գոլ, 2 գոլային փոխանցում
Էդեն Ազար՝ 8 պաշտոնական խաղ | 609 րոպե | 2 գոլ, 1 գոլային փոխանցում
Ժոաու Ֆելիշ՝ 3 պաշտոնական խաղ | 197 րոպե | գոլեր և գոլային փոխանցումների բացակայություն
Անտուան Գրիզմանը եղավ Էռնեստո Վալվերդեի կատարած առաջին փոխարինումը «Խետաֆեի» դեմ հանդիպմանը, Ֆելիշը մադրիդյան դերբիում փոխարինվեց 70-րդ րոպեին, իսկ Ազարը՝ նրանից րոպեներ անց:
Այս երեք ֆուտբոլիստների համար թիմերն ընդհանուր ավելի քան 300 միլիոն եվրո են հատկացրել, սակայն նրանք դեռևս չեն «վերադարձնում» կատարված վճարումը:
Գրիզմանն ապացուցել է իր խաղամակարդակը «Բետիսի» ու «Վիլյառեալի» նկատմամբ «Կամպ Նոուում» կայացած խաղերում, սակայն ոչ ավելին: Ազարի իրավիճակը շատ ավելի բարդ է: Բելգիացուն խանգարեց ստացած վնասվածքը, որի պատճառով մինչև այժմ չի կարողանում ցուցադրել այն խաղը, որին երկրպագուներն են սովոր: Ինչ վերաբերում է Ֆելիշին, նրա մեկնարկը «հնդկացիների» կազմում խոստումնալից է, սակայն տարիքը հավանաբար իր դերը կատարում է. ադապտացիոն շրջանը դեռ չի ավարտվել, ու դա նորմալ է: Ընդ որում՝ Սիմեոնեն դեռևս հակված չէ նրան 90 րոպե խաղաժամանակ տրամադրելուն:
