Հայտնի աստղերը փորձում են մխիթարել Լաս Վեգասում տեղի ունեցած ահաբեկչության արդյունքում տուժածներին:
Հոկտեմբերի 1-ին մի զինված անձնավորություն “Mandalay Bay” հյուրանոցի 32-րդ հարկից կրակ է արձակել քանթրի ոճի երաժշտության “Route 91 Harvest” ֆեստիվալի մասնակիցների ուղղությամբ, որի արդյունքում զոհվել է ավելի քան 50, ու վնասվել ավելի քան 200 մարդ: Սա համարվում է ԱՄՆ-ի պատմության մեջ եղած առաջին ահաբեկչությունը, որի ժամանակ այսքան կրակոց է արձակվել:
Քանթրի ոճի երգիչ Ջեյսոն Ալդինը, որը կրակոցները սկսելու ժամանակ ելույթ էր ունենում բեմում, իր ինստագրամյան էջում հայտնել է իր ցավակցությունները.
«Այսօր սարսափելի օր էր: Դեռ չգիտեմ՝ ինչ ասել, բայց ուզում եմ, որ իմանաք՝ ես ու իմ աշխատակիցները լավ ենք: Մտքերս ու աղոթքներս ուղղում եմ այն մարդկանց, որոնք այսօր եկել էին համերգին: Սիրտս ցավում է, երբ մտածում եմ, որ այս սարսափելի դեպքը տեղի է ունեցել այն մարդկանց հետ, որոնք պարզապես եկել էին լավ երեկո անցկացնելու համար»:
Ցավակցական գրություններով հանդես են եկել նաև Քիմ, Քլոյի և Քորթնի Քարդաշյանները, Ջասթին Բիբերը, Սթիվեն Քինգը, Ջենիֆեր Լոպեսը, Հարի Սթայլզը, Ռիհաննան, Թեյլոր Սուիֆթը, Փերիս Հիլթոնը, Մրայա Քերին, Սեմ Սմիթը, Սելին Դիոնն ու մի շարք այլ աստղեր:
Քիմ Քարդաշյանը գրել է. «Արթնացա ու իմացա Լաս Վեգասի սարսափելի նորությունը: Աղոթում եմ Վեգասի բոլոր մարդկանց համար»:
Horrified to hear about the shooting in #LasVegas. My thoughts are with the victims and their families. Praying for everyone’s safety
— Mariah Carey (@MariahCarey) 2 October 2017
Praying for all the innocent victims and their families in Las Vegas – Céline xx… #LasVegas
— Celine Dion (@celinedion) 2 October 2017
Condolences to all of those scarred by the violence in Las Vegas last night. We are with you.
— Stephen King (@StephenKing) 2 October 2017
Որոշ աստղեր էլ՝ Արիանա Գրանդեն, Լեդի Գագան, Ռիհաննան, Զենդայան և ուրիշներ, պահանջում են ամերիկյան լրատվամիջոցներից, որպեսզի դեպքը կոչեն ահաբեկչություն, այլ ոչ թե պատահար կամ մեկ այլ բան:
«Սա միանշանակ ահաբեկչություն է: Ահաբեկչությունը չի ճանաչում ո՛չ սեռ, ո՛չ ազգություն, ո՛չ հավատ: Դեմոկրատներ ու հանրապետականներ, խնդրում եմ հավախմբվեք». գրել է Գագան:
Զենդայան էլ մեկ նախադասությամն պահանջել է. «Կոչեք այն իր անունով. ՍԱ ԱՀԱԲԵԿՉՈՒԹՅՈՒՆ Է»:
Հիշեցնենք՝ սա համերգի ժամանակ տեղի ունեցած առաջին ահաբեկչությունը չէ ԱՄՆ-ում: Այս տարի Արիանա Գրանդեյի՝ Մանչեսթերում տեղի ունեցող համերգի ժամանակ պայթյուն էր տեղի ունեցել, որի արդյունքում ևս եղել էին զոհեր ու տուժածներ:
