«Ատալանտայի» ֆուտբոլիստ Անդրեա Ռինալդին գլխուղեղի անեվրիզմից(անոթալայնանք) հետո պայքարում է կյանքի համար՝ հաղորդում է Football Italia-ն։
Աղբյուրի տեղեկություններով՝ 19-ամյա ֆուտբոլիստը հոսպիտալացվել է նախօրեին ու գտնվում է ծայրահեղ ծանր վիճակում։
2019-20 մրցաշրջանում Ռինալդին վարձակալությամբ հանդես է եկել Դ Սերիան ներկայացնող «Լենյանոյի» կազմում։ Վարձակալական պայմանագրի ժամկետն ուժի մեջ է մինչև 2020 թվականի հունիսի 30-ը։
19-ամյա կենտրոնական կիսապաշտպանը Դ Սերիայի ընթացիկ մրցաշրջանում մասնակցել է 23 հանդիպման՝ դառնալով 1 գոլի և նույնքան գոլային փոխանցման հեղինակ։ Ֆուտբոլիստն իր մարզական կարիերայի ընթացքում մեկ տիտղոս է նվաճել՝ դառնալով Մ17 Իտալիայի Սուպերգավաթի հաղթող։
