Ինչպես տեղեկացրել էինք, «Ատալանտայի» ֆուտբոլիստ Անդրեա Ռինալդին գլխուղեղի անեվրիզմից(անոթալայնանք) հետո պայքարում էր կյանքի համար։
Բերգամոյի թիմի պաշտոնական կայքը տեղեկություն է տարածել, որ ֆուտբոլիստը, որ գտնվում էր ծայրահեղ ծանր վիճակում, այսօր մահացել է։
2019-20 մրցաշրջանում Ռինալդին վարձակալությամբ հանդես էր եկել Դ Սերիան ներկայացնող «Լենյանոյի» կազմում։
19-ամյա կենտրոնական կիսապաշտպանը Դ Սերիայի ընթացիկ մրցաշրջանում մասնակցել էր 23 հանդիպման՝ դառնալով 1 գոլի և նույնքան գոլային փոխանցման հեղինակ։ Ֆուտբոլիստն իր մարզական կարիերայի ընթացքում մեկ տիտղոս էր նվաճել՝ դառնալով Մ17 Իտալիայի Սուպերգավաթի հաղթող։