«Ատալանտան» պաշտոնապես հայտարարել է, որ ֆուտբոլիստները մայիսի 5-ից կարող են անհատական մարզումներ անցկացնել ակումբի մարզաբազայում:
Խաղացողներն ըստ ցանկության կարող են ժամանել մարզաբազա: Նրանց կթույլատրվի օգտվել միայն խաղադաշտերից, որտեղ նրանք անհատական մարզումների շնորհիվ կկարողանան մարզավիճակ պահպանել՝ հետևելով սոցիալական հեռավորության կանոններին: Հանդերձարանները, մարզասրահը և մարզաբազայի մյուս բոլոր հատվածները փակ են լինելու:
Իտալիայում մարզիկներին թույլ են տվել մայիսի 4-ից վերսկսել անհատական մարզումները: Թիմային մարզումներ կթույլատրվի անցկացնել մայիսի 18-ից ոչ շուտ:
Ա սերիան մարտի 10-ից դադարեցված է կորոնավիրուսի համաճարակի պատճառով: Առաջնության 20 ակումբներն ավելի վաղ ցանկություն էին հայտնել ավարտին հասցնելու ընթացիկ մրցաշրջանը:
«Ռոման» հայտարարել է մարզումները վաղվանից վերսկսելու մասին