«Նյուքասլը» հետաքրքրված է Մադրիդի «Ատլետիկոյի» բելգիացի կիսապաշտպան Յանիկ Կարասկոյի ծառայություններով՝ հաղորդում է լրագրող Էկրեմ Քյոնուրը։

Ըստ աղբյուրի՝ անգլիական ակումբը դիտարկում է ֆուտբոլիստին ամառային տրանսֆերային պատուհանի ժամանակ ձեռք բերելու տարբերակը։ Իսպանացիները 50 մլն եվրո են գնահատում կիսապաշտպանին։

Ավարտված մրցաշրջանում 28-ամյա Կարասկոն «Ատլետիկոյի» կազմում անցկացրած 44 խաղում դարձել է 6 գոլի ու 7 գոլային փոխանցման հեղինակ։ Մադրիդյան ակումբի հետ նրա պայմանագիրը գործում է մինչև 2024 թվականը։