«Ատլետիկոն» մտադիր է ձեռք բերել «Բենֆիկայի» ռմբարկու Դարվին Նունյեսի տրանսֆերային իրավունքը՝ հայտնում է լրագրող Նիկոլո Սկիրան:
Աղբյուրի հաղորդմամբ՝ մադրիդյան ակումբի ղեկավարությունը երիտասարդ ուրուգվայցուն դիտարկում է որպես Լուիս Սուարեսին փոխարինող: Կողմերն արդեն սկսել են բանակցությունները:
Հիշեցնենք, որ «Էլ Պիստոլերոն» հեռանալու է «Ատլետիկոյից» մրցաշրջանի ավարտից հետո:
Ընթացիկ մրցաշրջանում պորտուգալական թիմի կազմում 22-ամյա Նունյեսն անցկացրել է 41 հանդիպում՝ դառնալով 34 գոլի և 4 ասիստի հեղինակ:
