ATP-ի ղեկավարությունը մտահոգված է որոշ թենիսիստների ագրեսիվ և անհարգալից պահվածքով, հաղորդում է Daily Mail-ը:
Աղբյուրի փոխանցմամբ՝ խոսքը վերաբերվում է, հատկապես, գերմանացի Ալեքսանդր Զվերևին, ավստրալացի Նիկ Կիրյոսին և ամերիկացի Ջենսոն Բրուկսին:
«Վերջին 3 ամսվա ընթացքում մի քանի ոչ սպորտային պահվածքի դեպք է գրանցվել, որոնք ստվեր են գցում այս մարզաձևի վրա: Այդպիսի վարքը կարող է բացասական կերպով անդրադառնալ երկրպագուների վրա, հատկապես՝ երիտասարդների:
Կորտում աշխատող մրցավարական անձնակազմին կոչ ենք անում ավելի խիստ լինել նման պահվածքով մարզիկների նկատմամբ և հարկ եղած դեպքում կիրառել համապատասխան պատիժներ»,- ասված է ATP-ի ղեկավար Անդրեա Գաուդենցիի հայտարարության մեջ: