Արտաշատում 75 մարզիկի մասնակցությամբ անցկացվել է ազատ ոճի ըմբշամարտի Հայաստանի երիտասարդական առաջնությունը։
Ստուգատեսի հաղթող են դարձել Հարություն Հովհաննիսյանը (57 կգ քաշային կարգ, ՕՀՔ, Արմավիր), Հայկ Աբրահամյանը (61 կգ, ՕՀՔ, Երևան), Տիգրան Ղազարյանը (65 կգ, Վանաձոր), Հայկ Պապիկյանը (70 կգ, ՕՀՔ), Մենուա Յարիբեկյանը (74 կգ, Վանաձոր), Մուշեղ Մկրտչյանը (79 կգ, Ազատան), Կնյազ Իբոյանը (86 կգ, Արշալույս), Սերգեյ Սարգսյանը (92 կգ, Ջրվեժի մարզադպրոց) և Լյովա Գևորգյանը (125 կգ, Գյումրի)։
Առաջնության արդյունքներով ձևավորված Հայաստանի երիտասարդական հավաքականը կպատրաստվի մրցաշրջանի միջազգային պաշտոնական մրցումներին։