Atelier des Lumières-ը Փարիզի առաջին թվային ցուցասրահներից է։ 2017 թվականի սեպտեմբերին արվեստի կենտրոնը ներկայացրեց պոստիմպրեսիոնիզմի ներկայացուցիչ, հոլանդացի նկարիչ Վինսենթ Վան Գոգի խելահեղ «Imagine Van Gogh» ցուցահանդեսը։
Կազմակերպիչներն օգտագործել էին 120 հսկայական պրոյեկտորներ, որպեսզի ցուցադրեին աշխարհահռչակ նկարչի կտավները ֆենոմենալ աուդիո-վիզուալների ներքո։
2018 թվականի ապրիլին արվեստի կենտրոնը ընդամենը 10 օրվա ընթացքում գրանցեց ռեկորդային թվով այցելուներ. ավելի քան 600,000 մարդ այցելեց թանգարան։ Atelier des Lumières-ն այս անգամ պատրաստել էր ավստրիացի սիմվոլիստ Գուստավ Կլիմտի կտավների ցուցադրությունը, որոնք ներկայացվում էին 140 պրոյեկտորների միջոցով։
Ցուցասրահը բաղկացած է երկու հատվածից դահլիճից և ստուդիոյից։ Դահլիճում ներկայացված է միանգամից երկու թվային ծրագիր նվիրված Գուստավ Կլիմտին և իր հայրենակից նկարիչ Էգոն Շիլեին։Իսկ ստուդիոյում անընդմեջ պտտվում են ավստրիացի նկարչի կտավները ժամանակակից անիմացիոն լուծումներով։
Atelier des Lumières թվային արվեստի ցուցասրահը ներդնելով ժամանակակից տեխնոլոգիաները կապում է անցյալն ու ներկան և ստեղծում սիմֆոնիկ ճանապարհորդություն ստեղծարարության ու ժամանակի միջև։