Ավստրալացի լողորդ Զակ Ստաբլետի-Կուկն Ադելաիդա քաղաքում տեղի ունեցած ազգային առաջնությունում համաշխարհային ռեկորդ է սահմանել բրաս լողաոճով 200 մետր տարածությունում։
Նա, ինչպես նշում են միջազգային լրատվամիջոցները, մրցատարածությունը հաղթահարել է 2 րոպե 5,95 վայրկյանում։
Այդպիսով՝ Ստաբլետի-Կուկը գերազանցել է 2019 թվականին Հարավային Կորեայում անցկացված ջրային մարզաձևերի աշխարհի առաջնությունում ռուսաստանցի Անտոն Չուպկովի սահմանած բարձրագույն նվաճումը (2 րոպե 6,12 վայրկյան)։