Մադրիդի «Ռեալը» նոր պայմանագիր կկնքի հարձակվող Կարիմ Բենզեմայի հետ՝ հայտնում է լրագրող Էքրեմ Քյոնուրը։
Աղբյուրի տեղեկություններով՝ իսպանական ակումբը 34-ամյա հարձակվողի հետ կերկարաձգի գործող համաձայնագրի ժամկետը մինչև 2024 թվականը։ Գործող պայմանագիրը թիմի հետ կավարտվի 2023 թվականին։
Բենզեման այս մրցաշրջանում բոլոր մրցաշարերում անցկացրած 44 խաղում դարձել է 44 գոլի և 15 գոլային փոխանցման հեղինակ: