Իտալական «Ռոմայի» հայ կիսապաշտպան Հենրիխ Մխիթարյանը, որը վնասվածք է ստացել և հարկադրված փոխարինվել ՈՒԵՖԱ-ի Կոնֆերենցիաների լիգայի կիսաեզրափակիչի՝ «Լեսթերի» դեմ առաջին խաղում (1:1), բաց կթողնի 3 շաբաթ՝ հայտնում է Calciomercato-ն:
Իտալական Sky Sport և Calciomercato պարբերականների հաղորդմամբ՝ 33-ամյա հայ ֆուտբոլիստը բուժզննում է անցել, աջ ազդրի մկանային լարվածությունը հաստատվել է:
Հենրիխը բաց է թողել Ա Սերիայի 35-րդ տուրի՝ «Բոլոնիայի» դեմ հանդիպումը (0:0):