Ֆրանսիացի կիսապաշտպան Պոլ Պոգբան, որը հունիսի 30-ին ազատ գործակալի կարգավիճակով կլքի «Մանչեսթեր Յունայթեդը», բոնուս կստանա անգլիական գրանդից՝ հայտնում է Daily Mail-ը:
Աղբյուրը հայտնում է, որ մանկունիանցիները ֆրանսիացի խաղացողին հավատարմության համար կվճարեն 4,5 միլիոն եվրո։
Պոգբան «կարմիր սատանաների» կազմում խաղացել է 2016 թվականից։ Նրա տրանսֆերի համար «Մանչեսթեր Յունայթեդը» Թուրինի «Յուվենտուսին» վճարել էր 105 միլիոն եվրո։
Ավելի վաղ հաղորդվում էր, որ «Յուվեն» պայմանագիր է առաջարկել Պոգբային:
