Մի քանի օրից մոտենում է գարունը, իր հետ բերելով նորաձևության ոճի, և գույների համադրության նոր թելադրանք։
Նախորդ գարնանը մենք ականատես եղանք այսպես կոչված «օվերսայզ» հագուստի վերադարձին, գրեթե համատարած բոլորը սկսեցին կրել չափսերով մեծ և հարմարավետ հագուստ։ Նախկինում եթե դա համարվում էր ոչ նորաձև, ապա վերջին շրջանում համարվեց ամենաթրենդային հագուստներից մեկը։
Որպեսզի իմանանաք թե որոնք են այս տարվա գարնան ամենաթրենդային գույներն ու հագուստները VNews-ը զրուցել է ոճաբան Գայանե Գևորգյանի հետ, և այսպես.
Հագուստի ո՞ր ոճն է մոդայիկ այս գարնանը։
«Հագուստի ոճի հետ կապված կարող եմ ասել, որ այս գարնանը շատ տարածված կլինի սպորտայինի և դասականի համադրությունը, որն արդեն երկու սեզոն է համարվում է շատ ակտուալ։ Մարդիկ սիրում են հարմարավետությունն ու գեղեցիկը համադրել , ինչն ավելի մեծ հետաքրքրություն է հաղորդում նրանց կերպարին»։ 
Կա՞ որև է նմանություն նախորդ տարվա և այս տարվա գունային թրենդների միջև։
«2021թ-ի ամենաակտուալ գույներից են համարվում կարմիրի և կապույտի երանգները։ Այն ակտուալ էր դեռ անցած տարի, և ակտուալ է մնալու բավականին երկար ժամանակ»։ 
Այս տարվա նորաձևությունը ըստ գույների ինչո՞վ է առանձնանում նախորդ տարվանից.
«Անդրադառնալով գարնանային գույներին պետք է նշել , որ ակտուալ են համարվում նեոն գույները, հատկապես նեոն կանաչը»-, Սակայն այս գույնի օգտագործման հարցում ոճաբան Գայանե Գևորգյանը հորդորում է զգույշ լինել ։
Գարնանային թրենդների մեջ ի՞նչը կհամարեք հատկապես կարևոր.
«Առանձնակի կարևորություն է տրվում մանուշակագույնին, այն շագանակագույն աչքեր ունեցող մարդկանց համար համարվում է հրաշալի տարբերակ, քանի որ ընդգծում է աչքերի գույնի գեղեցկությունը »։
Ոճաբան Գայանե Գևորգյանը հավելեց, որ Գարնանը ոչ այնքան կարևոր է շպարի չափը, որքան խնամված լինելը։ «Կինը պետք է լինի խնամված, և հիշի որ ինքը միշտ գեղեցիկ է »-հավելեց մեր զրուցակիցը։
