«Ինտերն» այս պահին միակ ակումբն է, որ առաջարկ է ներկայացրել «Ատալանտային»՝ վերջինիս ավագ Ալեխանդրո Պապու Գոմեսի տրանսֆերի գնման առնչությամբ:
Ինչպես հաղորդում է Sport Mediaset-ը, «ներաձուրիները» Բերգամոն ներկայացնող ակումբին առաջարկել են տրանսֆերային փոխանակություն իրականացնել, ըստ որի՝ Գոմեսի դիմաց «Ատալանտա» տեղափոխվի կիսապաշտպան Մատիաս Վեսինոն:
Արգենտինացին ավելի վաղ կոնֆլիկտ էր ունեցել գլխավոր մարզիչ Ջան Պիերո Գասպերինիի հետ: Ֆուտբոլիստը հրաժարվել էր կատարել մարզչական ցուցումները, ինչը հարուցել էր մասնագետի վրդովմունքը: Գոմեսը դրա հետևանքով չէր հայտավորվել թիմի՝ Ա սերիայում վերջին 2 հանդիպումներին:
Ավելի վաղ տեղեկություններ էին տարածվել, թե իտալական միանգամից մի քանի ակումբներ հետաքրքրված են Գոմեսի ծառայություններով: Սակայն այդ տեղեկությունը, ամենայն հավանականությամբ, կեղծ է եղել:
Ենթադրվում է, որ «Ատալանտան» կհամաձայնի իր խաղացողի տրանսֆերը վաճառել 10 մլն եվրոյի դիմաց: Ակումբի նախագահ Անտոնիո Պերկասին միաժամանակ հույս է հայտնել, որ կհաջողվի ֆուտբոլիստին համոզել մնալ թիմում:
«Ինտերը» ձմռանը հրաժեշտ կտա 4 ֆուտբոլիստի