Գալիք մրցաշրջանում «Ռեալի» վինգեր Էդեն Ազարը կխաղա «կեղծ 9 համարի» դիրքում:
AS-ի հաղորդմամբ՝ «սերուցքայինների» գլխավոր մարզիչ Կառլո Անչելոտին այսպիսի որոշում է կայացրել, որպեսզի պարբերաբար հանգստի հնարավորություն տա Կարիմ Բենզեմային և խաղաժամանակ ապահովի Ազարի համար: Ֆրանսիացի ռմբարկուի ծանրաբեռնվածությունն էլ ավելի մեծ է լինելու, քանի որ նա Ֆրանսիայի հավաքականի կազմում մասնակցելու է Մունդիալին:
«Արքայական ակումբի» ձախ վինգերի դիրքում փայլում է Վինիսիուսը, իսկ աջ եզրում մեծ է մրցակցությունը: Հետևաբար, իտալացի մասնագետը համարում է, որ միակ ճիշտ որոշումն է կայացրել:
Չնայած այս որոշմանը՝ «Մադրիդում» երկրորդ հարձակվողի կարգավիճակում կլինի Բորխա Մայորալը:
