Բուդապեշտում մեկնարկած ազատ ոճի ըմբշամարտի Եվրոպայի առաջնությունում այսօր մրցահարթակ դուրս եկած 4 հայ ըմբիշներից 2-ը շարունակում է պայքարը հաղթողի կոչման համար։
Ըմբշամարտի միջազգային ֆեդերացիայի կայքից տեղեկանում ենք, որ 57 կգ քաշային Մանվել Խնձրցյանը որակավորման փուլում վստահորեն առավելության է հասել մոլդովացի Անատոլի Բուրույանի նկատմամբ և քառորդ եզրափակիչում կմրցի թուրք Մուխամետ Կարավուսի հետ։
Պայքարը շարունակողների ութնյակում է նաև Արման Անդրեասյանը (70 կգ), որը 1/8 եզրափակիչում առավելության է հասել թուրք Սելեհատին Կիլիկսալայանի նկատմամբ։ Հաջորդ փուլում նրան սպասում է գերմանացի Կևին Կրիստոֆեր Հենկելը։
Իսկ ահա մինչև 65 կգ քաշային կարգում հանդես եկող Գևորգ Թադևոսյանը որակավորման մրցափուլում սերբ Ստեֆան Անդրիա Միչիչին հաղթելուց հետո քառորդ եզրափակիչում առաջխաղացման իրավունքը զիջել է լեհ Կշիշտոֆ Բենկովսկիին:
Անհաջողության է մատնվել նաև Արման Ավագյանը (79 կգ), որը մեկնարկային գոտեմարտում պարտվել է ադրբեջանցի Աշրաֆ Աշիրովին։