Եվրոպայի կրկնակի չեմպիոն, աշխարհի առաջնությունների մեդալակիր Հովհաննես Բաչկովը (63 կգ) ապահովել է առնվազն բրոնզե մեդալ Տոկիոյում ընթացող Օլիմպիական խաղերում։ Վաղը մեր բռնցքամարտիկը կիսաեզրափակիչում հանդիպելու է ամերիկացի Դևիս Կեյշոունի հետ։
«Բաչկովն այս պահին շատ լավ վիճակում է։ Մենք ունենք մշակած մարտավարություն ու փորձելու ենք այն կյանքի կոչել։
Սա լինելու է Բաչկովի ու ամերիկացու երկրորդ հանդիպումը։ Առայժմ հաշիվը ամերիկացու օգտին է»,- VNews-ի հետ զրույցում ասաց Բաչկովի անձնական մարզիչ Կարեն Ղազարյանը։
Գյումրեցի մարզիկը պայքարը սկսել էր 1/16 եզրափակիչից, որտեղ հաղթել էր Ռայան Ալստոնին, քառորդ եզրափակիչ դուրս գալու համար Բաչկովը հաղթանակ էր տարել ադրբեջանցի Ջավիդ Չալաբիևի նկատմամբ, իսկ մեդալն ապահովել էր ուզբեկ մրցակցի նկատմամբ տարած հաղթանակով։
Ամերիկացու հետ մենամարտը տեղի կունենա օգոստոսի 6-ին ու կմեկնարկի Երևանի ժամանակով 9։30: