«Ռեալի» վինգեր Գարեթ Բեյլը կարող է վերադառնալ ԱՊԼ:
The Guardian-ի հաղորդմամբ՝ խաղացողի ծառայություններով լրջորեն հետաքրքրված են «Ասթոն Վիլան», «Նյուքասլն» ու «Տոտենհեմը»:
Հիշեցնենք, որ 32-ամյա ֆուտբոլիստի՝ «Ռեալի» հետ պայմանագիրն ավարտվում է 2022 թվականի հունիսի 30-ին: Պաշտոնապես հայտարարվել է, որ կողմերի համագործակցությունը չի շարունակվի:
Նշվում է, որ Բեյլը ցանկանում է մնալ Իսպանիայում, սակայն Լա լիգայի ոչ մի թիմից ուելսցին պաշտոնական առաջարկ չի ստացել:
2021/22 մրցաշրջանում «Արքայական ակումբի» կազմում Գարեթն անցկացրել է ընդամենը 7 հանդիպում, խփել 1 գոլ:
2007-2013 և 2020-2021 թվականներին ուելսցին ելույթ է ունեցել «Տոտենհեմում»:
