«Մարսելը» կարող է ձեռք բերել «Բարսելոնայի» հարձակվող Մարտին Բրեյթվեյթի տրանսֆերային իրավունքը՝ հաղորդում է AS-ը։
Ըստ աղբյուրի՝ ֆրանսիական ակումբը հարձակվողին դիտարկում է որպես առջևի գիծն ուժեղացնելու նախընտրելի տարբերակ։ Ավելի վաղ հաղորդվում էր, որ «կապտանռնագույնների» գլխավոր մարզիչ Չավին ու դանիացին հանդիպել են: Ֆուտբոլիստը հայտնել է կատալոնական ակումբում մնալու իր ցանկությունը։
Չավիի՝ «Բարսելոնայի» գլխավոր մարզչի պաշտոնում նշանակվելուց հետո Բրեյթվեյթն ընդամենը 22 րոպե խաղաժամանակ է ստացել (10 րոպե՝ Լա լիգայում, 12՝ Իսպանիայի գավաթում)։
Բրեյթվեյթը «Բարսելոնայի» ֆուտբոլիստ է 2020 թվականի փետրվարից։ Կողմերի պայմանագիրն ուժի մեջ է մինչև 2024 թվականը։