«Բարսելոնան» պատրաստ է 60 միլիոն եվրոյով «Մանչեսթեր Յունայթեդին» վաճառել Ֆրենկի դե Յոնգի տրանսֆերային իրավունքը՝ տեղեկացնում է բրիտանական Goal-ը: Աղբյուրի տեղեկություններով՝ Ֆրենկիի կարգավիճակը կատալոնական ակումբում փոխվել է. նա այլևս անձեռնմխելի ֆուտբոլիստ չէ:
Diario Sport-ի հաղորդմամբ՝ «Բարսելոնան» պատրաստ է Դե Յոնգի տրանսֆերային իրավունքը վաճառել «Ման. Յունայթեդին», եթե անգլիական ակումբը 100 միլիոն եվրո առաջարկի: Այս գործարքով կատալոնացիները կարող են բարելավել իրենց ֆինանսական վիճակը։
Ընդհանուր առմամբ՝ Չավին պատրաստ է լսել առաջարկներ թիմի առանցքային խաղացողներից 80 տոկոսի համար: Goal-ը հայտնում է, որ այս պահին կատալոնական գրանդում անձեռնմխելի խաղացողներ են Անսու Ֆատին, Պեդրին, Գավին, Ֆերան Տորեսը, Ռոնալդ Արաուխոն և Էրիկ Գարսիան:
Հիշեցնենք՝ 2019 թվականի ամռանը «Բարսան» 75 միլիոն եվրոյով է «Այաքսից» ձեռք բերել նիդեռլանդցի կիսապաշտպանի տրանսֆերային իրավունքը: Ֆրենկի դե Յոնգի՝ «կապտանռնագույնների» հետ գործող պայմանագրի ժամկետը նախատեսված է մինչև 2026 թվականը: