«Բարսելոնան» հետաքրքրված է «Չելսիի» կիսապաշտպան Մեյսոն Մաունթի ծառայություններով, տեղեկացնում է Foot Mercato-ն:
Աղբյուրի հաղորդմամբ՝ կատալոնացիները տպավորված են երիտասարդ անգլիացու՝ ընթացիկ մրցաշրջանում ցուցադրած արդյունավետությամբ: «Ազնվականների» կազմում անցկացրած 44 խաղում 23-ամյա ֆուտբոլիստը դարձել է 10 գոլի և 13 ասիստի հեղինակ: Բացի այդ, անգլիացին կարևոր դեր է խաղում գրոհների կազմակերպման գործում:
Transfermarkt-ը նրա տեղափոխությունը գնահատում է 75 մլն եվրո:
Նշվում է, որ դեռևս վաղ է խոսել հնարավոր տրանսֆերի մասին, սակայն, եթե կողմերին չհաջողվի համաձայնության գալ նոր պայմանագրի շուրջ, «կապտանռնագույնները» կանցնեն ավելի կոնկրետ քայլերի :
Մաունթի՝ լոնդոնյան ակումբի հետ գործող համաձայնագիրը նախատեսված է մինչև 2024 թվականը: