«Բարսելոնան» իրավունք չի ունենա թիմի բոլոր նորեկներին ընդգրկելու Եվրոպա լիգայի փլեյ-օֆֆի համար նախատեսված խաղերի հայտացուցակում։
Ձմռանը կատալոնական ակումբին միացան Դանի Ալվեսը, Ֆերան Տորեսը և Ադամա Տրաորեն։ Ըստ ակումբի նախագահ Ժոան Լապորտայի՝ այս շաբաթ ակումբը, ամենայն հավանականությամբ, նաև կներկայացնի 4-րդ նորեկին՝ գաբոնցի հարձակվող Պիեռ-Էմերիկ Օբամեյանգին:
ՈՒԵՖԱ-ի կանոնների համաձայն՝ «Բարսան» կարող է հայտավորել միայն 3 խաղացողի: Ինչպես նշում է AS-ը, թիմում անպայման կընդգրկվի Տորեսը, երկրորդը, ըստ ամենայնի, կլինի Դանի Ալվեսը: Այս պարագայում ակումբը պետք է ընտրություն կատարի Ադամա Տրաորեի և Պիեռ-Էմերիկ Օբամեյանգի միջև:
Հավելենք՝ «Բարսելոնան» Եվրոպա լիգայի 1/16 եզրափակիչում կմրցի իտալական «Նապոլիի» հետ: