«Ատլետիկոյի» հարձակվող Անտուան Գրիզմանը բաց կթողնի Լա լիգայի 23-րդ տուրի՝ «Բարսելոնայի» դեմ խաղը:
Ինչպես հաղորդում է Marca-ն, ֆրանսիացին դեռևս չի ապաքինվել վնասվածքից ու բաց է թողել մադրիդյան ակումբի վերջին մարզումը:
Լա լիգայի ընթացիկ մրցաշրջանում 30-ամյա ֆուտբոլիստն անցկացրել է 16 հանդիպում՝ դառնալով 3 գոլի և 2 արդյունավետ փոխանցման հեղինակ:
«Բարսելոնա» - «Ատլետիկո» հանդիպումը կայանալու է փետրվարի 6-ին՝ ժամը 19:15-ին:
Հավելենք, որ «Կապտանռնագույնները» զբաղեցնում են Իսպանիայի առաջնության մրցաշարային աղյուսակի 5-րդ հորիզոնականն, իսկ Սիմեոնեի սաները՝ 4-րդ: