«Բարսելոնա» ֆուտբոլային ակումբը շնորհավորել է Մադրիդի «Ռեալին» Իսպանիայի Սուպերգավաթը 12-րդ անգամ նվաճելու առթիվ։
«Շնորհավորում ենք Մադրիդի «Ռեալին» Սուպերգավաթը հաղթելու կապակցությամբ»,- նշված է Թվիթերում «Բարսելոնայի» մամուլի ծառայության տարածած հաղորդագրությունում։
Հունվարի 16-ին՝ Սաուդյան Արաբիայի մայրաքաղաքում կայացած եզրափակիչ խաղում «Արքայական ակումբը» 2։0 հաշվով պարտության է մատնել Բիլբաոյի «Ատլետիկին»։
Սուպերգավաթի կիսաեզրափակիչում «Ռեալը» լրացուցիչ ժամանակում 3։2 հաշվով հաղթել էր «Բարսելոնային»։
Իսպանիայի Սուպերգավաթն ամենից հաճախ նվաճել է հենց «Բարսելոնան»՝ 13 անգամ։ «Ատլետիկն» այդ մրցանակին տիրացել է 3 անգամ։
Սուպերգավաթի եզրափակիչի լավագույն խաղացող Լուկա Մոդրիչը՝ իր ապագայի մասին