«Վալենսիայի» կիսապաշտպան Կառլոս Սոլերը, ամենայն հավանականությամբ, կարիերան կշարունակի «Բարսելոնայում»:
AS-ի հաղորդմամբ՝ կատալոնական ակումբն արդեն համաձայնության է հասել «չղջիկների» հետ: Հստակեցվել են նաև 25-ամյա ֆուտբոլիստի անհատական պայմանագրի կետերը: Նշվում է, որ գործարքի արժեքը կազմելու է 20 մլն եվրո (գործող պայմանագիրն ավարտվում է 2023 թվականի հունիսի 30-ին):
Ֆուտբոլիստի՝ Կատալոնիա տեղափոխությանը հավանություն է տվել թիմի գլխավոր մարզիչ Չավին: Հենց նրա հաստատումից հետո է ակումբի տնօրեններից Մատեու Ալեմանին զբաղվել տրանսֆերով:
Ընթացիկ մրցաշրջանում «Վալենսիայի» կազմում երիտասարդ իսպանացին անցկացրել է 34 հանդիպում՝ դառնալով 12 գոլի և 5 ասիստի հեղինակ: