Իսպանական «Բարսելոնան» մտադիր է ամառային տրանսֆերային պատուհանին պայմանագիր կնքել Լոնդոնի «Չելսիի» 2 փորձառու պաշտպանի՝ Մարկոս Ալոնսոյի և Սեզար Ասպիլիկուետայի հետ՝ հայտնում է ինսայդեր Ֆաբրիցիո Ռոմանոն։
31-ամյա Ալոնսոյի տրանսֆերը կարող է կայանալ, եթե ակումբներն ընդհանուր հայտարարի գան՝ որոշելով տեղափոխության գումարի չափը։ Ռոմանոն հայտնում է, որ Ալոնսոն ցանկանում է հեռանալ «Չելսիից»:
Ինսայդերի տեղեկություններով՝ 32-ամյա Ասպիլիկուետան 2 տարվա պայմանագրի առաջարկ է ստացել «Բարսելոնայից» և այժմ անհամբեր սպասում է «Չելսիի» ղեկավարների հետ հանդիպմանը՝ իր ապագայի վերաբերյալ վերջնական որոշում կայացնելու համար: 2 խաղացողի՝ լոնդոնյան ակումբի հետ գործող համաձայնագրի ժամկետը կավարտվի 2023 թվականի ամռանը:
