«Բարսելոնան» հայտարարել է «Spotify» աուդիոծառայության հետ պայմանագրի շրջանակում «Կամպ Նոու» ստադիոնը վերանվանելու մասին։ Այսուհետ ակումբի տնային մարզադաշտը կկոչվի «Spotify Կամպ Նոու»:
«Spotify»-ի լոգոն հաջորդ 5 մրցաշրջաններում կլինի կատալոնական ակումբի տղամարդկանց ու կանանց մարզահագուստի վրա, ինչպես նաև մարզադաշտում։
2021/22 մրցաշրջանի արդյունքներով «Բարսելոնան» երկրորդ տեղն զբաղեցրեց Լա լիգայում, Եվրոպա լիգայում էլ պայքարը լքեց քառորդ եզրափակիչից: